کێڵگەی سڵێمانی

کێڵگەی سلێمانی بۆ بەرهەمهێنانی شیر
کێڵگەی سلێمانی دەکەوێتە ناوچەی پیرەمەگروون لە پارێزگای سلێمانی، هەرێمی کوردستانی عێراق. ئەم پڕۆژەیە بە یەکێک لە گەورەترین و پێشکەوتووترین کێڵگەکان دادەنرێت لەسەر ئاستی عێراق کە تایبەت کراوە بە بەخێوکردنی ئاژەڵی شیردەر.
تایبەتمەندی و تواناکانی کێڵگە:
* ڕووبەر: کێڵگەکە لەسەر ڕووبەری ٥٠٠ دۆنم زەوی بونیاد نراوە.
* دامەزراندن: لە ساڵی ٢٠٢٣دا لە ژێر چاودێری و سەرپەرشتی کۆمپانیای دیار دامەزراوە.
* توانای بەرهەمهێنان: کێڵگەکە توانای لەخۆگرتنی ٥,٠٠٠ مانگای شیردەری هەیە و دەتوانێت ڕۆژانە بڕی ١٥٠ تۆن شیر بخاتە بازاڕەوە.
ئامانج و دیدگای ئێمە:
تایبەتمەندی سەرەکی کێڵگەکەمان بریتییە لە بەرهەمهێنانی شیری فرێش بە بەرزترین کوالێتی. ئێمە پابەندین بە پەیڕەوکردنی توندترین ستانداردە تەندروستییەکان بۆ زامنکردنی سەلامەتی و کوالێتی خۆراک لە هەموو دڵۆپێکی شیردا.
ئامانجی ستراتیژیمان بەردەوامبوونە لە گەشەپێدانی بەرهەم و زیادکردنی بڕی دابینکردن، بە مەبەستی پڕکردنەوەی پێداویستیی کڕیاران و گەیشتن بە هەموو بازاڕەکانی سەرانسەری عێراق.